منتديات الزهراء عليها السلام

منتديات الزهراء عليها السلام (http://www.alzahrah.net/vb/index.php)
-   فــرع خــاص للعتــرة الطــاهرة (http://www.alzahrah.net/vb/forumdisplay.php?f=212)
-   -   بـاب الرحمـه ( ﮔﻌــده في إستشهاد الأمام الجواد عليه السلام) (http://www.alzahrah.net/vb/showthread.php?t=22310)

جابر النجفي 23-08-2017 03:58 PM

بـاب الرحمـه ( ﮔﻌــده في إستشهاد الأمام الجواد عليه السلام)
 
بـاب الرحمـه ( ﮔﻌــده في إستشهاد الأمام الجواد عليه السلام)

http://scontent-sea1-1.cdninstagram....Nzg0NDg0NzMz.2

يمكن قراءة هذه القصيده بنفس طور قصيدة ( ياحسين إوهبت للعالم حياتك ) التي قرأها المرحوم حمزه الزغير
********
ياجواد العتره يا إبن الزﭼيّه === ﻣﮔصــــد الزّوار نور الكاظميّه
ﺗﮔضي الحاجات ياباب المُراد === نعمـــة الباري العظيمه للعباد
باب رحمه / وإنفتح يهدي البشر
********
تاسع العتره الشريفـــه == يا إبن حامي الحميّه
ريت تنطيني وظيفــه == أكنس الحضره الزهيّه
والكريم إيهل مـُضيفه == بالعطايـــــــــــــه الحيدريّه
معروف يا إبن الرضــــــــا == كـُل مـَنْ وصل يمّك حـِظـَه
نال المجد بالعز مـِضـَه == والشفيعـــــــــــــــه الهاشميّه
ياشباب إو واجهت كيد الخوارج === بالعلــــــم والمعرفه نلت النتايج
ذاع صيتك بالحوار إو بالسداد === نعمــــة الباري العظيمه للعباد
باب رحمه / وإنفتح يهدي البشر
****
مثلك إبزود النشامـــه == واجهوا زيف الدواعش
للمجد صاروا علامه == عدهم الأصرار عايش
كل شهم أعلن هيامــه == والعــــــدو الملعون طايش
هاي النفوس الثايره == عدهـــا المراجل دايره
باﻟﺤﮓ تجاهد سايره == ترسـم العزّه إو تعايش
منـّك الشيمه خذوها بالسواتر === ما يهابــــون المنايه والمخاطر
شوﮒ عدهم للنزال إو للجهاد === نعمـــــة الباري العظيمه للعباد
باب رحمه / وإنفتح يهدي البشر
****
نحيي أمرك بالمآتم == نوفـــي الهادي نبينه
كل مُوالي بيك هايـم == والألـــــــــــم خيـّم علينه
واجب إنعزّي يغانم == أمّك الزهـره الحزينه
وإنعزّي حمّاي الحمه == نحـــزن يراعي الغانمه
لمصابك الهد السمه == نلعــن أرباب الضغينه
ناخذ إبثارك يبـــو النفس الأبيّه === وَيْ أبو الثارات إبن حامي الحميّه
تحضر إويانه يبو الهادي المعاد === نعمـــــــة الباري العظيمه للعباد
باب رحمه / وإنفتح يهدي البشر
****
رجعوا الأشرار كلهم == والفسـاد إيعيث بينه
كل كراسي الجور إلهم == وإحنه بس نرفع إدينه
خلهم إيبوﮔـون خلهم == ما عرﮒ واحد جبينه
لازم يـِشـَوّر هالشـَعـَــــــــــب == من كل جرايمهم تـَعـَب
يوم الحراميّه إقتــَرَب == هــــاي أنواره ولينه
راية المهدي ترف إحنه نراها === والأرض مشتاﮒ للطلعه ثراها
ينتهي إبجيته الطـُغاة أهل الفســـاد === نعمـــــــة الباري العظيمه للعباد
باب رحمه / وإنفتح يهدي البشر
****
نسمع الزهره تنـــــــــادي == حزنوا ياشيعه المـُصابه
إبني باﻟﺤﮓ دوم شــــادي == ﮔلبي نازف من غيابه
لعنوا أفعال الأعـــادي == صـَوّبوه إبعز شبابه
واسوني ياشيعه إبحــــــــزن == روحي على الراحوا تون
إبني الجواد الممتحن == بالكرم مفتوح بابه
هذا أبو جعفر رسم بيض المعالـــي === ما خضع للباطل إو ضيم الليالي
وإبمصابه نشروا أعلام الســــــواد === نعمـــــــة الباري العظيمه للعباد
باب رحمه / وإنفتح يهدي البشر
*****
المـُصيبــــــــــه **********
واجب إنواسي الأمام المنتظر حامي الشريعه
بالجواد إو نذكر الآلام وآهات الفجيعه
وإنواسي أمّه فاطمه == نازف جـُرحها الغانمه
صـَوّبنـَه ﻓﮔــــده بالظمه == كل عايل إنصاب إبعمه
وإنـّادي يارب السمـه == إظهرْ ولينه إو سـَلـّمـَه
نرفع الرايات ويـّاه إو نزور الكاظميّه
*********
مع تحيات شاعر أهل البيت / جابر النجفي

جنات النعيم 23-08-2017 04:03 PM

أَسَــعَدَ الله أَوقـــاتَكُم بِالْخــيَّر وَالمَسـَــرَّات
أشَكُرَّ لَكُمْ هَذا الْتَوَاصِلْ مَعَنَا فِي المْنُتَدَى
نَنْتَظِرّ مِنْكُمْ الْكَثِيّرَ مِنْ خِلّالِ إِبْدَاعَاتِكُمْ
بَارَكَ اللهُ فِيْكُمْ وَفِي جُهْودِكٌمْ
لَكُمْ مِنْـًـٍا أَجَمَلَ الْتَحَيِـَـِا

شمس الشموس 23-08-2017 04:03 PM

رد: بـاب الرحمـه ( ﮔﻌــده في إستشهاد الأمام الجواد عليه السلام)
 

جابر النجفي 27-08-2017 08:29 AM

رد: بـاب الرحمـه ( ﮔﻌــده في إستشهاد الأمام الجواد عليه السلام)
 

نور الولاية 27-08-2017 09:07 AM

رد: بـاب الرحمـه ( ﮔﻌــده في إستشهاد الأمام الجواد عليه السلام)
 

اللهم صل على محمد وال محمد
احسنتم وبارك الله بكم
شكرا لكم كثيرا

جابر النجفي 28-08-2017 07:22 AM

رد: بـاب الرحمـه ( ﮔﻌــده في إستشهاد الأمام الجواد عليه السلام)
 

حامل الراية 12-12-2017 03:42 AM

مشاركة غاية في الروعة والجمال

عطر الله أنفاسكم

موفـــقين

جابر النجفي 22-12-2017 03:20 AM



New Page 1

Twitter

Facebook

Rss

Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team